Printed on 18-10-2018 19:39:46 PM

వంచన పై గర్జనతో హోరెత్తుతున్న కలెక్టరేట్లు

ప్రత్యేక హోదా విషయంలోనూ, ఎన్నికలకు ముందు ప్రజలకు ఇచ్చిన హామీల అమలులోనూ చంద్రబాబు చేస్తున్న మోసాన్ని గర్హిస్తూ వైయస్ఆర్ కాంగ్రెస్ పార్టీ పిలుపు మేరకు కలెక్టరేట్ల ముందు వంచన పై  గర్జన నిరసన ప్రదర్శనలు చేస్తున్నారు. ప్రతిజిల్లా కలెక్టరేట్ల ముందు వైయస్ ఆర్ కాంగ్రెస్ శ్రేణుల నిరసనల హోరుతో మార్మోగుతున్నాయి. నియోజకవర్గాల నుంచి ర్యాలీలుగా బయలుదేరి, కలెక్టరేట్ల వద్ద ప్రదర్శన చేస్తున్నారు. ఈ సందర్భంగా ప్రత్యేక హోదా ఆంధ్రులహక్కు అని ఎలుగెత్తి చాటుతున్నారు. ఈ హాదా విషయంలో చంద్రబాబు చేసిన మోసాన్ని, ప్రజలను వంచించిన వైనాన్ని తీవ్రంగా ఎండగడుతున్నారు. రాజీనామా లు చేసిన పార్లమెంటుసభ్యులు, ఎంపిలు, ఎంఎల్ఏలు, ఎంఎల్సీలు , నియోజకవర్గాల సమన్వయ కర్తలు పెద్ద ఎత్తున కలెక్టర్ల వద్దకు చేరుకుని నిరసన కొనసాగిస్తున్నారు. 

ఎన్నికలకు ముందు వందల సంఖ్యలో ఇచ్చిన హామీలను అమలు చేయకుండా, నాలుగేళ్లుగా ప్రజలను వంచిస్తూ ఇంకా ప్రజలను భ్రమల్లో పెడుతున్నారని ఈ సందర్భంగా ప్రసంగిస్తున్న నాయకులు ధ్వజమెత్తుతున్నారు. వంచనను నిలదీస్తున్నారు.  

వంచనపై గర్జన- నల్లబ్యాడ్జితో వైయస్ జగన్ పాదయాత్ర

Printed on 18-10-2018 19:39:46 PM

వంచనపై గర్జన- నల్లబ్యాడ్జితో వైయస్ జగన్ పాదయాత్ర

కేంద్ర , రాష్ట్ర ప్రభుత్వాలు రాష్ట్రానికి చేసిన దారుణమైన మోసం, అన్యాయంపై కొనసాగిస్తున్న పోరును వైయస్ ఆర్ కాంగ్రెస్ పార్టీ మరింత తీవ్రతరం చేసింది. నవనిర్మాణ దీక్షల పేరుతో చంద్రబాబు, ప్రజలను వంచిస్తున్న తీరుపై శనివారం రాష్ట్ర వ్యాప్తంగా నిరసనలు చేపట్టింది. ప్రత్యేక హోదాతో పాటు, విభజన చట్టంలోని హామీలను సాధించడంలో చంద్రబాబు విఫలం కావడం, పార్లమెంటు సాక్షిగా ఇచ్చిన హామీని అమలు చేయని కేంద్రంలోని బిజెపి నేతృత్వ ఎన్డీఏ సర్కారుపై సమర శంఖాన్ని పూరించింది. రాష్ట్ర వ్యాప్తంగా పార్టీ శ్రేణులందరూ నల్లబ్యాడ్జీలతో నిరసన తెలిపుతున్నారు. ప్రజా సంకల్పయాత్రలో ఉన్న పార్టీ అధ్యక్షులు వైయస్ జగన్ మోహన్ రెడ్డి చేతికి నల్ల రిబ్బను ధరించి నిరసన వ్యక్తం చేస్తూ పాదయాత్ర కొనసాగిస్తున్నారు.

 నెల్లూరు లో విఆర్ కళాశాల మైదానంలో వంచన పై గర్జన దీక్షను చేపట్టారు. ఉదయం నుంచి సాయంత్రం వరకు జరిగే ఈ దీక్షలో పార్టీకి చెందిన సీనియర్ నాయకులంతా పాల్గొంటున్నారు. పదవులకు రాజీనామాలు చేసిన ఐదుగురు లోక్‌సభ సభ్యులు, రాజ్యసభ సభ్యులు, ఎమ్మెల్యేలు, ఎమ్మెల్సీలు, పార్లమెంటు, అసెంబ్లీ నియోజకవర్గాల సమన్వయకర్తలు, పార్టీ ప్రాంతీయ కోఆర్డినేటర్లు, పార్లమెంటు జిల్లా అధ్యక్షులు ఇతర ముఖ్య నేతలు పాల్గొన్నారు. నల్లదుస్తులు ధరించి.. కేంద్ర, రాష్ట్ర ప్రభుత్వాల తీరును ఎండగడుతూ.. నేతలు దీక్షలో కూర్చున్నారు.