Printed on 23-11-2017 16:32:45 PM

టీడీపీ సర్కార్ పై ప్రజల్లో తీవ్ర వ్యతిరేకత
గడపగడపకూ వైయస్సార్ కార్య‌క్ర‌మంలో ప్రజలు తమ కష్టాలను వైయ‌స్సార్ కాంగ్రెస్ పార్టీ నాయ‌కులతో పంచుకుంటున్నారు.  తూర్పు గోదావ‌రి జిల్లా పి. గ‌న్న‌వ‌రం నియోజ‌క‌వ‌ర్గ కో ఆర్డినేటర్ కొండేటి చిట్టిబాబు మామిడికుదురు మండ‌లం అప్ప‌నప‌ల్లి గ్రామంలో గడపగడపలో పర్యటించారు. అబద్ధపు హామీలిచ్చి అధికారంలోకి వచ్చిన చంద్రబాబు ప్రజలను నయవంచనకు గురిచేస్తున్నారని చిట్టిబాబు ధ్వజమెత్తారు. 

గ‌డ‌ప‌గ‌డ‌ప‌కూ వైయ‌స్సార్ కార్య‌క్ర‌మానికి ప్ర‌జ‌లు బ్ర‌హ్మ‌ర‌థం ప‌డుతున్నారు. క‌ర్నూలు జిల్లా నందికొట్కూరు నియోజ‌క‌వ‌ర్గం ప‌రిధిలోని కె.ముర్వ‌కొండ‌, వీరాపురం, నేహ్రున‌గ‌ర్‌, ప‌గిడ్యాల గ్రామాల్లో ఎమ్మెల్యే ఐజ‌య్య పర్యటించారు. ఈ సంద‌ర్భంగా ఎమ్మెల్యే మాట్లాడుతూ... చంద్ర‌బాబు ఎన్నిక‌ల్లో ఇచ్చిన ఏ ఒక్క హామీని నెర‌వేర్చ‌కుండా ప్ర‌జ‌ల‌ను మోసం చేశార‌ని మండిప‌డ్డారు.

చంద్ర‌బాబు అవినీతి, మోసాలను వైయస్సార్సీపీ శ్రేణులు గ‌డ‌ప‌గ‌డ‌ప‌కూ వైయ‌స్సార్ కార్య‌క్ర‌మం ద్వారా ప్రజలకు వివరిస్తున్నారు. కర్నూలు జిల్లా పత్తికొండ నియోజ‌క‌వ‌ర్గ స‌మ‌న్వ‌యక‌ర్త సి.హెచ్‌.నారాయ‌ణ రెడ్డి ఆధ్వ‌ర్యంలో స్థానికంగా గ‌డ‌ప‌గ‌డ‌ప‌కూ వైయ‌స్సార్ కాంగ్రెస్ కార్య‌క్ర‌మం నిర్వహించారు.  అవినీతి, అక్ర‌మాలే ల‌క్ష్యంగా టీడీపీ నాయ‌కులు ప‌ని చేస్తున్నార‌ని నారాయణరెడ్డి ఆగ్రహించారు. చంద్ర‌బాబు త‌న స్వార్థ రాజ‌కీయాల కోసం ప్ర‌జ‌ల‌ను బ‌లిచేస్తున్నార‌ని నిప్పులు చెరిగారు. 
ఇంటింటా టీడీపీకి భంగపాటు

Printed on 23-11-2017 16:32:45 PM

ఇంటింటా టీడీపీకి భంగపాటు
దొంగే... దొంగా దొంగా అని అరిచినట్టుంది టిడిపి నాయకుల తీరు. ఎన్నికల్లో గెలవకపోతే పార్టీ పునాదులతో సహా భూస్థాపితం అయిపోతుందనే భయంతో, 2014లో అధికారమే లక్ష్యంగా నోటికొచ్చిన వాగ్గానాలు ఇచ్చేశాడు చంద్రబాబు. మొత్తానికి అతికష్టం మీద అధికారం దక్కించుకున్నాడు. ఆ తర్వాత యథాబాబు తథా పాలన అన్నట్లుగా తెలుగు తమ్ముళ్ల దోపిడీ తప్ప ప్రజలకిచ్చిన వాగ్గానాల ఊసే లేకుండా పక్కన పెట్టేశాడు. ఎవరైనా ఎదురుపడి నువు చెప్పిన మాటేం చేశావయ్యా బాబూ అని అడిగితే, నా రోడ్డు మీద నుంచున్నావ్, నా గాలి పీలుస్తున్నావ్, నా నీళ్లు తాగుతున్నావ్ అంటూ నోటికొచ్చింది మాట్లాడి దబాయించే పనిలో పడ్డాడు. మొత్తానికి అలా అడ్గగోలుగా ప్రజల్ని బెదిరిస్తూనే మూడున్నర సంవత్సరాలు గడిపేశాడు. నమ్మి ఓట్లేసిన ప్రజలేమో కక్కలేక మింగలేక అవకాశం కోసం ఎదురుచూస్తున్నారు. 

బాబుగారి నయవంచనను మొదటినుంచీ ఎండగడుతున్న ప్రతిపక్షం ప్రభుత్వానికి అస్సలు మింగుడుపడటం లేదు. దానికి తోడు ప్రతిపక్షనాయకుడు ఈ మధ్య ప్రకటించిన  నవరత్నాలు ప్రజల్లోకి బాగా వెళ్లడంతో ఎల్లోనాయకులకు భవిష్యత్తు భయం పట్టుకుంది. ప్రభుత్వం ఇచ్చిన హామీల్లో ఏమి నెరవేర్చిందో, ఎంత మోసం చేసిందో ఇంటింటికీ వెళ్లి తెలుసుకోవాలని వైయస్ జగన్ తన సైన్యానికి పిలుపునిచ్చారు. గడప గడపకు వెళ్లి ప్రజల అభిప్రాయాలు, వారి కష్టాలు తెలుసుకుని వైయస్సార్ కుటుంబంలో వారిని సభ్యుల్ని చేయాలని చెప్పారు. దీంతో టిడిపి శిబిరంలో అలజడి పెరిగిపోయింది. ఏదో ఒకటి చేసి ప్రజల్ని మాయచేయాలని, ప్రతిపక్షనాయకుడి మంచి ఆలోచనను అడ్డుకోవాలని కంకణం కట్టుకున్నాడు బాబు. అదే ఆదేశాలను తన బ్యాచ్ మొత్తానికి జారీ చేశాడు. ఇంకేముంది, జగన్ ఇంత మంచి ఆలోచన చేశాక కూడా ఇంకా మనం కొత్తగా ఆలోచించడం మూర్ఖత్వం అవుతుందని అందరూ కలిసి ఒక నిర్ణయానికి వచ్చేశారు. తామూ గడప గడపకు టిడిపి అంటే పోలా..! అని సింపుల్ గా తేల్చేశారు. యథావిధిగా ఒకరిది లాక్కుని తనదని చెప్పకోవడంలో చంద్రబాబుకి దొరికే కిక్కేవేరు కాబట్టి ఆయన జెండా ఊపేశారు. 

అంతా బాగానే ఉంది కానీ, అసలు సమస్య ప్రజలదగ్గరకు వెళ్లినప్పుడే అర్థమైంది టిడిపి నాయకులకు. ఏ గుమ్మం తొక్కినా, నువ్వేం చేశావని ఇక్కడికొచ్చి అడుగుతున్నావ్, ఏం చెప్పాలి నీకు? నువ్వేం చెయ్యనక్కర్లేదు ఇంకో ఏడాది ఇలాగే నీ పనిలో ఉండు అని జనం రివర్స్ లో ఝలక్ ఇస్తున్నారట. కాల్వ శ్రీనివాసులు లాంటి వాళ్లకయితే కాగితాలు ముఖంమీద విసిరికొట్టి మరీ బయటకు పొమ్మన్నారట. అయినా చేసిందంతా చేసి.. ఇప్పుడు నీకు ఏ పథకాలొచ్చాయి? ఏ మాఫీ అయింది అని అడిగితే ప్రజలకు కాలదా మరి. దొంగే దెబ్బలకు భయపడి రోడ్డుమీదకొచ్చి దొంగా... దొంగా... అని అరిచినట్లు, మోసం చేసినవాళ్లే గుమ్మంలోకి అడుగుపెట్టి కుశలప్రశ్నలు వేయాలంటే ఎంతైనా వాళ్లు బాబుగారి మనుషులై ఉండాలి. ఆయన నిప్పు సెగ తగిలితేనే అది సాధ్యం. 

టిడిపికి ఇంటింటా చేదు అనుభవం

Printed on 23-11-2017 16:32:45 PM

టిడిపికి ఇంటింటా చేదు అనుభవం
సంక్షేమ కార్యక్రమాలను ప్రజల్లోకి తీసుకువెళ్లండి. ప్రభుత్వ పథకాల గురించి ప్రచారం చేయండి. రేషన్ కార్డులు, పింఛన్లు గురించి ఆరా తీయండి అంటూ ఇంటింటికీ టిడిపి కార్యక్రమానికి శ్రీకారం చుడుతూ మంత్రులు, ఎమ్మెల్యేలకు చెప్పారు చంద్రబాబు. అప్పుడే నేతలకు అర్థం అయిపోయింది ఇది సెల్ఫ్ గోల్ అని. కాని ముఖ్యమంత్రి చెప్పాక తప్పుతుందా ఇంటింటికీ వెళ్లి పరాభవాలనెదుర్కుంటున్నారు తెలుగు తమ్ముళ్లు. 

మా పాలన భేష్. మేం ఎంతో చేశాం అంటూ చంద్రబాబు చెప్పే అబద్ధాలకు ఇంటింటికీ టిడిపి కార్యక్రమంలో అడుగుడుగునా చేదు అనుభవమే ఎదురౌతోంది. మీరేం చేసారో చెప్పాలంటూ ప్రతి జిల్లాలోనూ నాయకులను ప్రజలు నిలదీస్తున్నారు. నిలువునా కడిగేస్తున్నారు. రోడ్లు సరిగ్గా లేవని, డ్రైనేజీ వ్యవస్థలు లేవని, ఫించన్లు అందడం లేదు, ఇళ్లు సాంక్షన్ కాలేదని, ఉద్యోగాలు లేవని, ఉపాధి పనులు లేవని ఇలా ప్రతి చోటా ప్రజల నుంచి టిడిపి నేతలకు నిరసనల సెగ తగులుతూనే ఉంది. ఇక మహిళలైతే, ఎమ్మెల్యేలను, మంత్రులను మీడియా ముందే నిలదీయడానికి కూడా వెనుకాడటం లేదు. ఫిరాయింపు ఎమ్మెల్యేల నియోజక వర్గాల్లో అయితే ప్రజలు తెలుగుదేశంపై తిరగబడుతున్నారు.

నాయకులను నడిరోడ్డుమీదే ప్రశ్నిస్తున్నారు. 
నిన్న పశ్చిమగోదావరి జిల్లాలో టిడిపి ఎమ్మెల్యే వెంకటేశ్వరరావు ఎదుట డ్రైనేజీ సమస్య పరిష్కరించట్లేదంటూ ఓ వ్యాపారి ఆత్మహత్యా యత్నం చేసాడు. మీ కార్యక్రమాలే తప్ప మా సమస్యలు పట్టవా అని నిలదీశాడు. ఇక గ్రామంలో పర్యటించబోగా మూడేళ్లుగా రాని మీరు ఇప్పుడు ప్రచారం కోసం వచ్చారా అంటూ మహిళలు సైతం విమర్శించడంతో ఎమ్మెల్యే నిరాశగా వెనుదిరిగారు. అడుగడుగునా సమస్యల స్వాగతమే రాష్ట్రవ్యాప్తంగా ఎదురౌతోందని టిడిపి ఎమ్మెల్యేలు తలలు పట్టుకుంటున్నారు. ఇంటింటికీ టిడిపి కార్యక్రమంలో ఎమ్మెల్యేల పరిస్థితే కాదు మంత్రులుకు సైతం ఇవే అనుభవాలు ఎదురౌతున్నాయి. కర్నూల్లో ఇంటింటికీ టిడిపి కార్యక్రమంలో పాల్గొన్న డిప్యూటి సిఎమ్ ను రుణమాఫీ అందలేదని అడిగాడో రైతు. దాంతో రెచ్చిపోయిన ఆయన నోర్ముయ్, మాట్లాడద్దు అంటూ ఆ రైతుపై విరుచుకు పడిపోయారు. సారాతాగిన నాయాళ్లంటూ ప్రజలనుద్దేశించి డిప్యూటీ సిఎమ్ స్థాయి వ్యక్తి దిగజారి మాట్లాడటాన్ని చూసి ప్రజలు నిరసన వ్యక్తం చేసారు. ప్రతి జిల్లాలో, నియోజకవర్గంలో, గ్రామాల్లో టిడిపికి సదా చుక్కెదురే అయ్యింది. గడప గడపకూ వైయస్సార్ కాంగ్రెస్ పార్టీ కార్యక్రమాన్ని అక్షరాలా కాపీ కొట్టి మొదలెట్టిన ఈ ఇంటింటికీ టిడిపి చివరికి ఇంటికే టిడిపి అనే విషయాన్ని స్పష్టం చేసింది. ప్రతి ఊళ్లోనూ టిడిపికి చేదు అనుభవాలే ఎదురయ్యాయి. మెత్తానికి బాబు  కాపీ ప్లాన్ ఈ విధంగా అట్టర్ ఫ్లాప్ అయ్యింది.