Printed on 23-07-2018 03:09:07 AM

ప్రారంభ‌మైన 86వ రోజు ప్ర‌జా సంక‌ల్ప‌యాత్ర‌

నెల్లూరు:  వైయ‌స్ఆర్ కాంగ్రెస్ పార్టీ జాతీయ అధ్య‌క్షులు వైయ‌స్ జ‌గ‌న్ మోహ‌న్ రెడ్డి చేప‌ట్టిన పాద‌యాత్ర నేటికి 86వ రోజుకు చేరుకుంది. ఈ రోజు ఉద‌యం ఉద‌య‌గిరి నియోజ‌క‌వ‌ర్గం, క‌లిగిరి మండ‌లం పెద్ద కొండూరు శివారు నుంచి వైయ‌స్ జ‌గ‌న్ త‌న పాద‌యాత్ర‌ను ప్రారంభించారు. ప్ర‌జా స‌మ‌స్య‌లు వింటూ, వాళ్ల‌కు ధైర్యాన్ని చెబుతూ ముందుకు  సాగుతున్నారు. కాగా ఈ రోజు వైయ‌స్ జ‌గ‌న్ పెద్ద‌పాడు, వీరారెడ్డి పాలెం, పోలంపాడు మీదుగా క‌లిగిరి వ‌ర‌కు పాద‌యాత్ర చేయ‌నున్నారు. 
మంత్రి పుల్లారావు అరాచకాలకు అంతే లేదు

Printed on 23-07-2018 03:09:07 AM

మంత్రి పుల్లారావు అరాచకాలకు అంతే లేదు

గుంటూరు: ప్రత్తిపాటి పుల్లారావు రాష్ట్రానికి మంత్రి అయితే ఆయన భార్య నియోజకవర్గానికి మంత్రి అయ్యారని విమర్శించారు. పుల్లారావు మంత్రి కాగానే చేసిన పని ఏంటో తెలుసా..సీటి కెబుల్‌ నడుపుతున్న టీడీపీ నేతలు మన పార్టీకి చెందిన 10 వేల కలెక్షన్లు సొంతం చేసుకున్నారని విమర్శించారు. 2014–2015లో వర్షాలు ఎక్కువగా పడటంతో పత్తి మొత్తం తడిసిపోయిందన్నారు. సీసీఐ అధికారులు మార్కెట్‌యార్డులో పత్తిని కొనుగోలు చేయలేదన్నారు. పుల్లారావు మిల్లును సీసీఐకి అద్దెకు ఇచ్చారని, క్వింటాల్‌ రూ.3 వేల చొప్పున కొనుగోలు చేశారన్నారు. కొనుగోలులో రూ.600 కోట్ల అక్రమాలు జరిగాయని, రాష్ట్ర ప్రభుత్వం చేపట్టిన విచారణలో చిలకలూరిపేట మార్కెట్‌యార్డు సెక్రటరీని సస్పెండ్‌ చేశారన్నారు.  రైతులకు రావాల్సిన నిధులను పుల్లారావు కాజేశారన్నారు. రాష్ట్రంలోని అగ్రిగోల్డు డిపాజిటర్లను మోసం చేశారని, అయితే వారి ఆస్తులను పుల్లారావు తన భార్య పేరుతో అగ్రిగోల్డు భూములు కొనుగోలు చేశారని విమర్శించారు. అగ్రిగోల్డు భూములను పుల్లారావు అప్పన్నంగా కాజేశారని మండిపడ్డారు. అగ్రికల్చర్‌ ల్యాండ్‌ను నాన్‌ అగ్రికల్చర్‌ ల్యాండ్‌గా మార్చాలంటే పుల్లారావుకు డబ్బులు చెల్లించాల్సిందే అన్నారు. మద్యం ట్రెడింగ్‌ లైసెన్స్‌లు రెన్యువల్‌ చేయాలన్నా..దీపావళి మందులు అమ్ముకోవాలన్నా..వారికి డబ్బులు ఇవ్వాల్సిందే అన్నారు. ఆర్యవైశ్య కులానికి చెందిన శంకర్‌ అనే విలేకరిని కొట్టి, హింసించి చంపారని ఆరోపించారు. పుల్లారావుకు  వ్యకిరేకంగా శంకర్‌ వార్తలు రాస్తున్నారని ఆయన అనుచరులతో చంపించారన్నారు. కేసులో అసలు ముద్దాయిలను తప్పించారని పేర్కొన్నారు. సాక్షి పేపర్‌ విలేకరి సురేంద్ర అగ్రిగోల్డు వ్యవహారాలపై వార్తలు రాయడంతో ఓర్చుకోలేక పుల్లారావు ఎస్సీ, ఎస్టీ అట్రాసిటీ కింద కేసు పెట్టించారన్నారు. అతనిపై దాడి చేయించారన్నారు. విలేకరి ఉద్యోగం మానుకున్న మంత్రి వదలిపెట్టలేదన్నారు. ఆయన 8 ఎకరాల భూమిని పుల్లారావు, ఆయన భార్య బలవంతంగా ప్రోక్లైయిన్లతో దున్నించారన్నారు. ఈ బాధలు భరించలేక సురేంద్ర ఆత్మహత్య చేసుకున్నారన్నారు. ఈ నియోజకవర్గంలో ఇంకా పుల్లారావు అరాచకాలు చాలా ఉన్నాయన్నారు. వ్యాపారస్తులు భయపడుతున్నారన్నారు. అందుకే మా నాయకుడు వైయస్‌ జగన్‌ సమక్షంలో నేను భరోసా ఇస్తున్నానని చెప్పారు. ఎవరైనా స్వేచ్ఛగా వ్యాపారాలు చేసుకోవచ్చు అని ధైర్యం చెప్పారు.
– నియోజకవర్గంలో నీటి ఎద్దడి తీవ్రంగా ఉందని మ్రరి రాజశేఖర్‌ తెలిపారు. తాగడానికి నీరు లేదని ఆందోళన వ్యక్తం చేశారు. పంటలు సాగు చేసుకునేందుకు రైతులు ఇబ్బందులు పడుతున్నారన్నారు. వైయస్‌ఆర్‌సీపీ అధికారంలోకి వచ్చాక నీటి సమస్యను తీర్చుతామన్నారు. పులిచింతల, ప్రకాశం బ్యారేజీ నుంచి నీరు తీసుకువస్తామన్నారు. వైయస్‌ జగన్‌ సీఎం కాగానే మన సమస్యలకు పరిష్కారం దొరకుతుందని రాజశేఖర్‌ తెలిపారు. 
మన పోరాటం ఆగకూడదు

Printed on 23-07-2018 03:09:07 AM

మన పోరాటం ఆగకూడదు

గుంటూరు: గత నాలుగేళ్లుగా చంద్రబాబు ప్రత్యేక హోదా విషయంలో ఎన్నోసార్లు మాట మార్చారన్నారు. ప్యాకేజీ తీసుకొని హోదా వద్దన్న చంద్రబాబు మళ్లీ యూటర్న్‌ తీసుకున్నారన్నారు. వైయస్‌ జగన్‌ పోరాటం వల్లే ప్రత్యేక హోదా అంశం బతికి ఉందన్నారు. వైయస్‌ జగన్‌ ముఖ్యమంత్రి అయ్యే వరకు మన పోరాటం ఆగకూడదన్నారు. చిలుకలూరిపేటలో వైయస్‌ఆర్‌సీపీ జెండా ఎగురవేయడం ఖాయమన్నారు. 
వైయస్‌ జగన్‌తోనే సుపరిపాలన

Printed on 23-07-2018 03:09:07 AM

వైయస్‌ జగన్‌తోనే సుపరిపాలన

గుంటూరు: వైయస్‌ జగన్‌ సీఎం అయితేనే సుపరిపాలన సాధ్యమని గోపిరెడ్డి శ్రీనివాసరెడ్డి స్పష్టం చేశారు. ప్రజా సంకల్ప యాత్ర 119వ రోజు నరసరావుపేట నియోజకవర్గంలో కొనసాగింది. పట్టణంలో ఏర్పాటు చేసిన బహిరంగ సభలో ఎమ్మెల్యే గోపిరెడ్డి శ్రీనివాసరెడ్డి మాట్లాడుతూ..చంద్రబాబు ఎక్కడ ఉంటే అక్కడ కరువు ఉంటుందని శ్రీనివాసరెడ్డి ఎద్దేవా చేశారు. గత నాలుగేళ్లుగా నాగార్జున కుడి కాల్వ నుంచి సాగునీరు ఇవ్వలేదన్నారు. నీళ్లు ఇవ్వాలన్న ఇంగిత జ్ఞానం టీడీపీ నేతలకు లేదన్నారు. రైతులందరూ కూడా పంటలు పండించుకుంటే ఒక్క పంటకు కూడా గిట్టుబాటు ధర లేదన్నారు. రైతులకు మార్కెట్‌యార్డులో ధాన్యం అమ్ముకోలేని దుస్థితి నెలకొందన్నారు. టీడీపీ కార్యకర్తల కందులు మాత్రమే కొనుగోలు చేస్తున్నారని విమర్శించారు. కోడెల శివప్రసాద్‌ ఇక్కడ ఓడిపోతానని భయపడి సత్తనపల్లెకు పారిపోయారన్నారు. ఇక్కడ ఆయన కొడుకు, కూతురు దోచుకుతింటున్నారన్నారు. 23 క్రిమినల్‌ కేసులు ఉన్న వ్యక్తిని స్పీకర్‌గా నియమించడం బాధాకరమన్నారు. స్పీకర్‌ అధికారాన్ని అడ్డుపెట్టుకొని ఆయన కొడుకు, కూతురు అక్రమాలకు పాల్పడుతున్నారన్నారు. బార్‌ షాపులు, అపార్ట్‌మెంట్ల నుంచి ట్యాక్స్‌లు వసూలు చేస్తున్నారని ఆరోపించారు. ఎక్కడ చూసినా కూడా కోడెల కుటుంబం అవినీతికి పాల్పడుతుందన్నారు. సీఎం రిలీఫ్‌ ఫండ్, తిరుపతి లెటర్, ఆటోలు,  రిక్షాల కార్మికుల నుంచి మామూళ్లు వసూలు చేస్తున్నారని విమర్శించారు. 
వైయస్‌ జగన్‌ను సీఎం చేసుకుందాం

Printed on 23-07-2018 03:09:07 AM

వైయస్‌ జగన్‌ను సీఎం చేసుకుందాం

గుంటూరు: దివంగత ముఖ్యమంత్రి వైయస్‌ రాజశేఖరరెడ్డి పాలన త్వరలోనే చూడబోతున్నామని, వైయస్‌ జగన్‌ను ముఖ్యమంత్రిని చేసుకోవాల్సిన బాధ్యత మనందరిపై ఉందని మాజీ ఎంపీ బాలశౌరీ చెప్పారు. ప్రజా సంకల్ప యాత్రలో భాగంగా పెదకూరపాడులో ఏర్పాటు చేసిన బహిరంగ సభలో ఆయన మాట్లాడుతూ..  గత నాలుగేళ్లగా టీడీపీ పాలనను చూశారని, గ తంలో దివంగత ముఖ్యమంత్రి వైయస్‌ రాజశేఖరరెడ్డి ఈ నియోజకవర్గంలో 10 ఎత్తిపోతల పథకాలు చేపట్టిన వేలాది ఎకరాలను సాగులోకి తెచ్చారన్నారు. తప్పుడు వాగ్ధానాలతో అధికారంలోకి వచ్చిన చంద్రబాబు ఒక్క ఎకరాకైనా నీరు ఇచ్చారా ఆత్మపరిశీలన చేసుకోవాలన్నారు. వేల కోట్లు పట్టిసీమ పేరుతో టీడీపీ నేతలు పంచుకున్నారని విమర్శించారు. పులిచింతల ప్రాజెక్టును కట్టిన మహానుభావుడు ఈ నియోజకవర్గాన్ని సస్యశ్యామలం చేశారని గుర్తు చేశారు. చంద్రబాబు రుణమాఫీ పేరుతో అధికారంలోకి వచ్చి రైతులను మోసం చేశారన్నారు. బ్యాంకుల్లోనే ఇంకా బంగారం ఉందన్నారు. బంగారం ఉండాల్సింది నా అక్కా చెల్లెమ్మల మెడలో ఉండాలని వైయస్‌ జగన్‌ అంటున్నారన్నారు. 
ప్రారంభ‌మైన 125వ రోజు ప్ర‌జా సంక‌ల్ప‌యాత్ర‌

Printed on 23-07-2018 03:09:07 AM

ప్రారంభ‌మైన 125వ రోజు ప్ర‌జా సంక‌ల్ప‌యాత్ర‌

గుంటూరు:  వైయ‌స్ఆర్ కాంగ్రెస్ పార్టీ జాతీయ అధ్య‌క్షులు వైయ‌స్‌జ‌గ‌న్ మోహ‌న్ రెడ్డి చేప‌ట్టిన పాద‌యాత్ర నేటికి 125వ రోజుకు చేరుకుంది. ఈ రోజు వైయ‌స్‌జ‌గ‌న్ స‌రిపూడి శివారు నుంచి త‌న పాద‌యాత్ర‌ను ప్రారంభించారు. అనంత‌రం అక్క‌డి నుంచి వెల‌వ‌ర్తిపాడు, మేడికొండూరు, గుండ్ల‌పాలెం క్రాస్ మీదుగా పేరిచెర్ల‌వ‌ర‌కు పాద‌యాత్ర చేయ‌నున్నారు. కాగా గుండ్ల‌పాలెం క్రాస్‌లో ప్ర‌జ‌ల‌తో మ‌మేకం కావ‌డంతో పాటు.. సాయంత్రం పేరిచెర్ల‌లో నిర్వ‌హించ‌నున్న బ‌హిరంగ స‌భ‌లో వైయ‌స్ జ‌గ‌న్ ప్ర‌జ‌ల‌నుద్ధేశించి ప్ర‌సంగించ‌నున్నారు. 
హోదా ఉద్యమం..ఇక ఉధృతం

Printed on 23-07-2018 03:09:07 AM

హోదా ఉద్యమం..ఇక ఉధృతం
* పార్లమెంట్‌ చివరి రోజున మన పార్టీ ఎంపీలు రాజీనామా 
* ఏపీ భవన్‌లో ఆమరణ నిరాహార దీక్ష
* ఎంపీల దీక్షకు మద్దతుగా అన్ని నియోజకవర్గ కేంద్రాల్లో రిలేదీక్షలు
* క్యాంపస్‌లలో విద్యార్థులు కూడా రిలేదీక్షలు చేయాలని పిలుపు
*  హోదా పోరుకు అందరూ కలిసి రావాలన్న వైయస్‌ జగన్‌
* పేరేచర్ల బహిరంగ సభలో చంద్రబాబు అవినీతిపై నిప్పులు చెరిగిన జననేత

గుంటూరు: ‘‘ ప్రత్యేక హోదా మన ఊపిరి. మన హక్కు కూడా. హోదా కోసం నాలుగేళ్లుగా పోరాటం చేస్తున్నాం. అయినా కేంద్రం స్పందించలేదు. హోదా ఇవ్వకపోతే పార్లమెంట్‌ చివరి రోజున మన పార్టీ ఎంపీలు రాజీనామా చేస్తారు. అక్కడి నుంచి ఏపీ భవన్‌కు వెళ్లి  ఆమరణ నిరాహార దీక్షకు కూర్చుకుంటారు. ఎంపీలకు మద్దతుగా మనం అన్ని నియోజకవర్గ కేంద్రాల్లో రిలేనిరాహార దీక్షలు చేపడదాం. విద్యార్థులు కూడా కలిసి రావాలి. క్యాంపస్‌లలో రిలేదీక్షలు చేయాలి. హోదా కోసం అందరం కలిసి పోరాటం చేద్దాం. మన హక్కును సాధించుకుందాం’’ అని తాడికొండ నియోజకవర్గం పేరేచర్ల బహిరంగ సభలో ఏపీ ప్రతిపక్ష నేత వైయస్‌ జగన్‌ మోహన్‌ రెడ్డి పిలుపునిచ్చారు. 
పేరేచర్ల బహిరంగ సభలో వైయస్‌ జగన్‌ ఉపన్యాసం పూర్తి పాఠం...   
ఇక్కడి ప్రజలు, రైతన్నలు నాకు చెప్పిన విషయాలు.. అన్నా.. ఇదిగో అన్నా.. పక్కనే సీఎంగారి క్యాంప్‌ ఆఫీస్‌ ఉందన్నా.. ఆ సీఎంగారి క్యాంప్‌ ఆఫీస్‌ ఇక్కడికి  500 గజాల దూరం కూడా ఉంటుందో లేదో తెలియదు అన్నా.. విచ్చలవిడిగా ఇసుక తోలేస్తున్నారన్నా.. దోచేస్తున్నారన్నా.. సీఎం గారి కళ్లెదుటే తోడేస్తున్నారని ఫోటోలు ఇస్తున్నారు.. డ్రెడ్జింగ్‌ మిషన్లు పెట్టి తోలుతున్నారని చెబుతున్నారు. బోరుపాలెం..వెంకటాయపాలెం..ఉద్దండరాయపాలెంలో వేల లారీలు తోలుతున్నారు. ఇసుక మాఫియాకు నాయకుడు ఎవరు? అని అడుతున్నా. ఎమ్మెల్యేలు..చినబాబుగారితో మాట్లాడుకుంటారు. ఎమ్మెల్యేల దగ్గర నుంచి కలెక్టర్ల దగ్గర వరకు లంచాలు.. చినబాబు దగ్గరినుంచి పెద్దబాబుగారి వరకు లంచాలే. ముఖ్యమంత్రి గారికి భాగస్వామ్యం లేకుండానే ఇసుర తరలింపు జరుగుతుందా అని అడుగుతున్నా. 
అన్నా..రాజధాని కోసమని చెప్పి బలవంతంగా మా భూములు తీసుకున్నారన్నా అని చెప్పారు. గజం రెండు లక్షలు..మూడు లక్షలు పోతుందని చెప్పారు.. ఈ రోజు మా పరిస్థితి ఏంటన్నా అని అడుగుతున్నారు.. మాయా బజారు సినిమా..ఇంద్రలోకం చూపిస్తున్నారు..  ప్రత్యేక విమానాల్లోదేశాలు తిరుగుతున్నారన్నా అని అంటున్నారు. బాహుబలి సినిమా సెట్టింగులు అంటారన్నారు. సింగపూర్‌లా రాష్ట్రాన్ని మార్చేస్తానని చెబుతాడన్నారు.
ఏ దేశానికి పోతే ఆ దేశంగా మార్చేస్తానని చెప్పి సినిమా చూపిస్తున్నారు. నాలుగేళ్లు అవుతోంది.. 40 అంతస్తుల బిల్డింగ్‌ ఏమోకానీ... 4 అంతస్తుల బిల్డింగ్‌ కూడా లేదు.. పర్మినెంట్‌ పేరుతో ఒక్క ఇటుక కూడా పడలేదు. రోడ్డులేదు..కరెంటు..లేదు.. ఏ రకంగా ప్లాట్లు అమ్ముకోవాలని అడుగుతున్నారు.  పేదవాళ్ల దగ్గరికి వచ్చి అసైన్డ్‌ భూములు, లంక భూములు బలవంతంగా లాక్కున్నారు. నిజంగా ఇన్ని అబద్ధాలు..మోసాలు..అవినీతి జరుగుతుంటే గమనించమని అడుగుతున్నా. రాజధాని పేరుతో చంద్రబాబు అన్యాయం చేస్తున్నారు. ఇదే పెద్ద మనిషి రాజధాని అన్నది ప్రజల కోసం కట్టడం లేదు. రాజధాని పేరుతో లంచాలు కోసమే కడుతున్నారు. 2014 మేలో ప్రభుత్వం వచ్చింది. రాజధాని ఎక్కడ కడుతున్నది బాబుకు తెలుసు. తెలిసినా ఎవరికీ చెప్పలేదు. చెప్పకపోగా.. ఈ మనిషి ప్రజలను మభ్య పెట్టేందుకు నూజివీడు ప్రాంతంలో రాజధాని అని ఒకసారి, నాగార్జున యూనివర్శిటీవైపు వస్తోందని మరోసారి చెబుతారు.. రాజధాని ఇక్కడ రావడం లేదు అక్కడ వస్తోందని రైతన్నలు అనుకుంటున్న పరిస్థితుల్లో తన బినామీలను రంగంలోకి దింపి కోట్లు విలువ చేసే భూములను శనక్కాయలకు..బెల్లాలకు కొనుక్కునే పరిస్థితి తెచ్చారు. ముఖ్యమంత్రి అనేవారు నా ప్రజలు బాగుపడాలని అనుకుంటారు. రైతన్నలను భూములు అమ్ముకోవద్దని సలహా ఇస్తారు. ఈ పెద్దమనిషి మాత్రం తన బినామీలను పంపించి వేల ఎకరాలను తక్కువ ధరలకు కొనుగోలు చేస్తారు. డిసెంబర్‌ చివరిలో రాజధాని ఇక్కడే వస్తోందని చెప్పి తన బినామీలు భూములు కొన్నాక ప్రకటిస్తారు. చంద్రబాబు ఒక ముఖ్యమంత్రిగా వ్యవహరించారా? రియల్‌ఎస్టేట్‌ బ్రోకర్‌గా వ్యవహరించారా?. ఇన్‌సైడర్‌ ట్రేడింగ్‌ చేశారు.  జైల్లో పెట్టకూడదా అని అడుగుతున్నా.  ఆ బినామీల భూములను ముట్టుకోకుండా మిగిలిన రైతుల భూములను ల్యాండ్‌పూలింగ్‌లోకి తీసుకువచ్చారు. పేదవాడికి..రైతులకు దిక్కుదివాణంలేని చోట్ల ప్లాట్లు. బినామీలకు మాత్రం చుట్టూపార్కులు..చుట్టూ రోడ్లు ఉన్న చోట ప్లాట్లంట.
రైతులను టార్గెట్‌ చేస్తారు.. ఎవరైతే భూములు ఇవ్వమంటారో రైతుల పొలాలను దగ్గరుండి తగలబెట్టిస్తారు.. అరటి తోటలను దున్నేయిస్తారు. ప్రజలను పోలీస్‌ స్టేషన్‌లో పెట్టి భయపెట్టి భూములు లాక్కుంటారు. నాలుగేళ్లుగా అన్యాయం చేస్తూ పోతారు.. ఎవరైనా ప్రశ్నిస్తే వీళ్లు రాజధానికి వ్యతిరేకం అని బండ వేస్తారు. కృష్ణ. గుంటూరు జిల్లాలను జోనింగ్‌ చేశారు.. బినామీలకు లాభం చేశారు.. రైతుల భూములను మాత్రం వ్యవసాయ భూముల క్రింద పెడతారు. వాళ్లు అమ్ముకునే వీలుండదు. ఇంత దారుణంగా చేస్తున్నారు. రాజధాని పేరు చెప్పి 22 సార్లు విదేశాలకు వెళ్లారు. ఈయన అక్కడకి వెళ్లినప్పుడల్లా.. బుల్లెట్‌ ట్రైన్‌ వచ్చేస్తోందని.. ట్యూబ్‌ రైల్‌..ఎయిర్‌ బస్‌..మైక్రోసాఫ్ట్‌.. 100 అంతస్తుల బిల్డింగ్‌ అంటూ ఎల్లోమీడియాలో రాయిచ్చేస్తారు.. అదిగో అమరావతి..అదిగో బిల్డింగ్‌ అంటారు. ఆ రకంగా ఏమేమో జరిగిపోతున్నాయని చెప్పిస్తారు. తనకు నచ్చిన వాళ్లకు ఇష్టానుసారంగా భూములను పంపిణీ చేస్తారు. 
రాజధానిలో బాబు చేస్తున్న మోసాలు ఏ స్థాయిలో ఉన్నాయో గమనించమని అడుగుతున్నా.. ఒక్క ఇటుక కూడా పర్మినెంట్‌ బిల్డింగ్‌కు పడలేదు. ఏది చూసినా టెంపరరీనే. టెంపరరీ సెక్రటేరియట్‌కు, అసెంబ్లీ కట్టేందుకు అడుగుకు రూ.10వేలు ఇచ్చారు. ఇంత దారుణమైన స్కామ్‌ దేశంలో ఎక్కడా జరగలేదు. అసలు రాజధాని కట్టే ఉద్దేశం ఉందా అని బాబును అడుగుతున్నా. అడుగుకు రూ.10వేలు ఖర్చు చేసి టెంపరరీ బిల్డింగ్‌లు కడతారా.. అదే డబ్బుతో పర్మినెంట్‌ బిల్డింగ్‌లు కట్టవచ్చు కదా? రాజమౌళిని పిలిపించి ఆర్కిటెక్చర్‌ వర్క్‌ ఇచ్చాడు. ఏది ఎవరికి ఇవ్వాలో కూడా తెలియదు బాబుకు. చంద్రబాబు ఏపీకి సీఎంగా ఉన్నప్పుడు ఇక్కడ ఇల్లు కట్టుకోకుండా హైదరాబాద్‌లో ఇల్లు కట్టుకున్నాడు. అసలు ఆయకే ఇక్కడ ఉండాలని లేదు. ఇక ప్రజలకు పర్మినెంట్‌ బిల్డింగులు ఎందుకులే అనుకుంటున్నాడు.  తాను సొంతంగా ఇల్లు కట్టుకోడు.  ఇల్లు కొనుక్కోడు. కానీ హైదరాబాద్‌లో మాత్రం రాజభవనం పెట్టుకుంటారు. ఇల్లు ఇక్కడ కట్టుకుంటారా అని అడుగుతున్నా. రాజధాని కట్టే ఉద్దేశం చంద్రబాబుకు ఉందా? అని అడుగుతున్నా.. నాలుగేళ్లుగా ఇదే జరుగుతోంది. తాను చేసింది ఏంటని అడుగుతున్నా. రాజధాని పేరుతో భూములతోవ్యాపారం చేశారు. తాను చేసింది.. తన జేబులు ఎలా నింపుకోవాలని చేశాడు తప్పితే.. ఆంధ్ర రాష్ట్రానికి మంచి జరగాలని ఒక్కటి కూడా చేయలేదు. 
ఎన్నికలప్పుడు ఇదే పెద్దమనిషి  బ్యాంకుల్లో పెట్టిన బంగారు, రైతుల రుణాలు మాఫీ చేస్తానని చెప్పి మోసం చేశాడు. . బ్యాంకుల్లో పెట్టిన బంగారం ఇంటికి వచ్చిందా? అని అడుగుతున్నా. పొదుపు సంఘాల అక్క చెల్లెమ్మల రుణాలు మాఫీ చేస్తామన్నారు. ఒక్క రూపాయి అయినా మాఫీ అయిందా అని అడుగుతున్నా. రైతులకు వడ్డీలకు కూడా సరిపోలేదు. గత ప్రభుత్వం వడ్డీలేకుండా రైతులకు, పొదుపు సంఘాల మహిళలకు డబ్బులు ఇచ్చింది. ఈ పెద్దమని సీఎం అయ్యాక బ్యాంకులకు డబ్బులు కట్టడమే మానేసిన పరిస్థితిని చూశాం.
ఆ రోజు ఏమన్నాడు.. జాబు కావాలంటే బాబు రావాలన్నాడు. జాబు ఇవ్వకపోతే రూ.2000లు ఇస్తామన్నారు. 48 నెలలకు అవుతోంది.. ప్రతి ఇంటికీ 96వేలు బాకీ పడ్డారాలేదా అని అడుగుతున్నా.. బాబూ 96వేల పరిస్థితి ఏంటి అని అడగండి.  నాలుగేళ్ల పాలన ఒక్కసారి చూడండి. పిల్లలు తాగి చెడిపోతున్నారన్నారు. అధికారంలోకి వస్తే బెల్టుషాపులు తీసేస్తానన్నారు. మద్యాన్ని తగ్గిస్తానన్నారు. ఈ రోజు నాలుగేళ్ల తర్వాత అడుగుతున్నా ఏదైనా గ్రామంలో మినరల్‌ వాటర్‌ ప్లాంట్‌ ఉందోలేదో తెలియదు కానీ.. మందుషాపు లేని గ్రామం లేదు.  ఫోన్‌ కొడితే మినరల్‌ వాటర్‌ వస్తుందో రాదో తెలియదు కానీ.. మందు బాటిల్‌ తీసుకవచ్చి పోతున్నారు. ఈ పెద్ద మనిషి సీఎం కాక మునుపు మీరంతా కూడా రేషన్‌ షాపులకు వెళ్లి బియ్యంతో పాటు చెక్కర, కందిపప్పు, పామాయిల్, గోధుమలు, పిండి, కారెం, పసుపు, ఉప్పు, చింతపండు, కిరోసిన్‌ దొరికేవి ఇవన్నీ కూడా నీట్‌గా ప్యాక్‌ చేసి రూ.185లు మీ చేతుల్లో పెట్టేవారు. ఈరోజు నాలుగేళ్ల పాలన తర్వాత అడుగుతున్నా.. బియ్యం తప్ప మరేమైనా దొరుకుతున్నాయా అని అడుగుతున్నా. ఇంట్లో 6 మంది ఉంటే కనీసం ఇద్దరికైనా కటింగ్‌ పెడుతున్నారు.  చివరకు బియ్యం కూడా ఇవ్వకుండా దారుణంగా మోసం చేస్తున్నారు. నాలుగేళ్ల కింద ఈ పెద్దమనిషి అన్న మాటలు గుర్తుకు చేసుకోమని చెబుతున్నా. ప్రతి పేదవాడికి ఇళ్లు.. మూడు సెంట్ల స్థలం అన్నాడు. ఒక్క ఇళ్లు అయినా కట్టించాడా అని అడుగుతున్నా . ఇంత దారుణాతి దారునంగా మోసం చేస్తున్నారు. ఇవన్నీ ఈయన చేసిన మోసాలు. ఈయన కేవలం సీఎం హోదాలో ఉండి.. ఈయన గట్టిగా కేంద్ర ప్రభుత్వాన్ని అడిగి ఉంటే హోదా వచ్చి ఉండేది. హోదా వచ్చి ఉంటే ఉద్యోగాలు ఇక్కడే దొరికేవి. హైదరాబాద్‌. మద్రాసు, బెంగళూరు వెళ్లాల్సిన పనిఉండేది కాదు. పార్ట్‌నర్‌ సమ్మిట్‌ అంటారు. 20 లక్షల కోట్లు పెట్టుబడులు వచ్చాయంటారు. 40 లక్షల ఉద్యోగాలు ఇచ్చామని చెబుతారు. ఇంత దారుణంగా మోసాలు చేస్తున్నారు. 

ప్రత్యేక హోదాపై చంద్రబాబును 6 ప్రశ్నలు అడుగుతున్నా. బాబుకు ప్రత్యేక హోదా విషయంలో చిత్తశుద్ధి ఉన్నా.. ఏమాత్రం సిగ్గు ఉన్నా సమాధానం చెప్పాలి. 
మొదటి ప్రశ్న: మార్చి 2, 2014లో మన రాష్ట్రాన్ని విడగొట్టిన తర్వాత అప్పటి కేంద్ర ప్రభుత్వం ప్రత్యేక హోదా ఇవ్వాలని చెప్పి ఆమోదింపచేసి ప్లానింగ్‌కమిషన్‌కు  ఆదేశాలు జారీ చేసింది. బాబు సీఎం అయ్యాక ఆ ఫైల్‌ ప్లానింగ్‌ కమీషన్లో 7 నెలల పాటు అక్కడే పడి ఉన్నప్పుడు ఈ 7 నెలల కాలం ప్రత్యేక హోదా అడగకుండా గాడిదలు కాస్తున్నావా బాబూ ?
రెండవ ప్రశ్న: సెప్టెంబర్‌ 8,  2016లో ఆ రోజు అర్ధరాత్రి అరుణ్‌జైట్లీ గారు స్టేట్‌మెంట్‌ ఇచ్చారు. ప్రత్యేక హోదాకు బదులు  అబద్ధపు ప్యాకేజీ ప్రకటించారు. నిన్న చంద్రబాబు కేంద్రంలోని మంత్రులను ఉపసంహరించుకున్నారు. అరుణ్‌జైట్లీ అప్పటి ప్రకటించిన స్టేట్‌మెంట్‌కు ఇప్పుడు ప్రకటించిన స్టేట్‌మెంట్‌కు  ఏమైనా తేడా ఉందా? అలాంటప్పుడు హోదాకు బదులు ప్యాకేజీ ప్రకటిస్తే ఇదే బాబు ఆ రోజు అర్ధరాత్రి చేసిన పని ఏమిటంటే.. ప్రెస్‌మీట్‌ పెట్టి పొగిడారు. అసెంబ్లీలో ధన్యావాదాల తీర్మాణం చేశారు. ఢిల్లీకిS పోయి అరుణ్‌ జైట్లీగారికి శాలువలు కప్పారు. హోదాతో ఈశాన్య రాష్ట్రాలు ఏం బాగుపడ్డాయని అంటాడు. ప్రత్యేక  హోదాకు తూట్లు పొడుస్తూ మాట్లాడారు. 
మూడవ ప్రశ్న: హోదాపై ఏ పోరాటం చేసినా నువ్వు నీరు కార్చలేదా బాబూ? ప్రత్యేక హోదా కోసం 8 రోజులు నిరాహార దీక్ష చేస్తే మోడీకి నన్ను చూపించి హోదా కావాలని అడగకుండా నన్ను అరెస్ట్‌ చేయిస్తారా?  హోదా కోసం బంద్‌ పిలుపునిస్తే ఆర్టీసీ బస్సులు దగ్గరుండి తిప్పించలేదా? యువభేరీలకు విద్యార్థులు వస్తే వారిపై పీడీ యాక్ట్‌లు పెట్టలేదా? ఇది హోదాకు మోసం చేయడం కాదా?
నాల్గవ ప్రశ్న: అసలు మొన్న వైయస్‌ఆర్‌ కాంగ్రెస్‌పార్టీ అవిశ్వాసం తీర్మానం పెట్టకపోయి ఉంటే నువ్వు పెట్టి ఉండేవాడివా బాబూ అని అడుగుతున్నా మార్చి 15 గురువారం సాయంత్రం సంఖ్యాబలం ఉంటేనే అవిశాసానికి మద్దతు ఇస్తామన్నారు. మార్చి 16 యూ టర్న్‌ తీసుకున్నారు. వైయస్‌ఆర్‌ కాంగ్రెస్‌ పార్టీ ఎంపీలు ప్రతి పార్టీని కలిసి అవిశాస తీర్మానానికి మద్దతు తెలపాలని ఒప్పించారు కాబట్టి .. జాతీయ మీడియాలో వచ్చిందికాబట్టి ఈ పెద్దమనిషి మార్చి 16న ప్లేటు మార్చారు. తానే అవిశ్వాసం పెట్టబోతున్నానని చెప్పారు. ఇది మోసం కాదా బాబూ?
ఐదవ ప్రశ్న: అఖిల పక్షాన్ని  మొన్న పిలిచారు. దొంగతనాల నివారణకు గజదొంగ పిలిచినట్లు. అఖిలపక్షం కార్యాచరణ ఏమిటో తెలుసా? ఎవరు నిరసన తెలపకూడదట.ఎవరూ ఆందోళనలు చేయూడదట,  విద్యార్థులు ఉద్యమం చేయకూడదట, రాష్ట్రానికి చెడ్డపేరు వస్తుందంట. నల్లబ్యాడ్జీలు కట్టుకుని ఆఫీస్‌కు వెళ్లితే ప్రత్యేక హోదా వస్తుందా అని అడుగుతున్నా. ఇది మోసం కాదా చంద్రబాబు అని అడుగుతున్నా.
ఆరవ ప్రశ్న: అయ్యా చంద్రబాబు వైయస్‌ఆర్‌ కాంగ్రెస్‌ పార్టీ పిలుపునిచ్చింది. ఈ పార్లమెంట్‌చివరి రోజు నాటికి ప్రత్యేక హోదా ఇవ్వకపోతే మా పార్టీ ఎంపీలు రాజీనామా చేస్తారు. మీ పార్టీకి చెందిన ఎంపీలతో కూడా రాజీనామా చేయించు.  మొత్తం  25 మంది ఎంపీలు రాజీనామా చేస్తే కేంద్రం దిగిరాదా అని అడుగుతున్నా. రాజీనామాలు చేయించరట. రాజీనామా చేయిస్తే ఆయనపై  అవినీతి కేసులు పెడతారని భయం, ఆయన తరఫున పార్లమెంట్‌లో ఎంపీలు మాట్లాడకపోతే ఇబ్బంది అవుతుందని భయం.. సిగ్గులేకుండా హోదాను కేంద్రం వద్ద తాకట్టు పెడుతున్నారు. ఇలాంటి మోసాలను చూడలేక  మన పార్టీ ఎంపీలు రాజీనామాలు చేస్తారు. ఆ తర్వాత నేరుగా ఆంధ్రాభవన్‌కు వెళ్లి అక్కడ ఆమరణ నిరాహార దీక్షకు కూర్చుంటారు. మనం ఎంపీలకు బాసటగా నిలుద్దాం. అన్ని నియోజకవర్గ కేంద్రాల్లో రిలేదీక్షలు చేపడదాం. హోదా పోరుకు విద్యార్థులు కూడా కలిసి రావాలి. అప్పటికైనా బాబుకు జ్ఞానోదయం అయి ఎంపీలతో రాజీనామా చేయిస్తే అందరం కలిసి రాజీనామాలు చేసి నిరాహార దీక్షకు కూర్చుకుంటే కేంద్రం కచ్చితంగా దిగివస్తుంది. ప్రత్యేక హోదా ఇచ్చేందుకు అవకాశం ఉంటుంది. హోదా వస్తే ప్రతి జిల్లా ఒక హైదరాబాద్‌ అవుతుంది. నాకు, మన పార్టీ ఎంపీలకు మీ ఆశీస్సులు కావాలి. 
డయేరియాతో 20 మంది మృతి.. ఇది బాబుగారి హైటెక్కు పాలన

Printed on 23-07-2018 03:09:07 AM

డయేరియాతో 20 మంది మృతి.. ఇది బాబుగారి హైటెక్కు పాలన
గుంటూరు: ‘‘పక్కనే కృష్ణా నది తాగడానికి మాత్రం నీళ్లు దొరకవు. గోతులు తవ్విన కాలువలకే పరితమైన అండర్‌ గ్రౌండ్‌ డ్రైనేజీ. తాగుతున్నవి మంచినీళ్లు..మురికినీళ్లో తెలియని పరిస్థితి. మురికినీళ్లు తాగి డయేరియా 20 మంది చనిపోయిన దౌర్భాగ్య స్థితి. ఇది బాబుగారు చెప్పుకునే హైటెక్కు పాలన’’ అని ఏపీ సీఎం చంద్రబాబుపై ప్రతిపక్షనేత వైయస్‌ జగన్‌ మోహన్‌ రెడ్డి నిప్పులు చెరిగారు. ప్రజా సంకల్పయాత్రలో భాగంగా పాదయాత్ర చేస్తున్న వైయస్‌జగన్‌ ఈ రోజు గుంటూరు చేరుకున్నారు. ఈ సందర్భంగా గుంటూరు నగరంలో నిర్వహించిన బహిరంగ సభలో ప్రజలనుద్దేశించి ప్రసంగించారు. వైయస్‌ జగన్‌ ఏ మాట్లాడారో పూర్తి ప్రసంగ పాఠం...

గుంటూరు నగరంలో అడుగు పెడుతూనే ఇక్కడ ప్రజలు చెబుతున్న సమస్యలు వింటున్నప్పుడు బాధేసింది. గుంటూరుకు కొద్ది దూరంలోనే సీఎం క్యాంప్‌ ఆఫీస్‌ కనిపిస్తుంది. తన కల్ల ఎదుటనే గుంటూరు ఇంత దారుణమైన పాలన జరుగుతుంటే బాబు పట్టించుకోకపోవడంపై కోపం వచ్చింది. బాబు అధికారంలోకి వచ్చి నాలుగేళ్లు అవుతోంది. గుంటూరులో అండర్‌ గ్రౌండ్‌ డ్రైనేజీ కోసం తవ్విన కాలువలుఅలాగే ఉన్నాయి. కనీసం 20 శాతం పనులు కూడా పూర్తి కాలేదు. అంతేకాదు బాబు ఏ ముహూర్తాన పాలన మొదలు పెట్టారోగానీ గుంటూరులో డయేరియాతో 20 మందికి పైగా చనిపోయారు. ఇది బాబుగారి హైటెక్కు పాలన. డయేరియాతో ప్రజలు చనిపోతుంటే వాళ్లను బతికించుకోలేకపోయిన దౌర్భాగ్య ముఖ్యమంత్రి చంద్రబాబు. ఇక్కడి ప్రజలు తాగుతున్నవి మంచినీళ్లో..మురుగునీళ్లో తెలియని పరిస్థితి నెలకొంది. ఇక్కడి గుంటూరు జనరల్‌ హాస్పిటల్‌ (జీజీహెచ్‌)లో వాళ్ల అధికారిక లెక్కల ప్రకారం డయేరియాతో 20 మంది చనిపోయారని చెబుతుంటే గుంటూరులోపరిస్థితి ఎలా ఉందో ఎవరైనా అర్థం చేసుకోవచ్చు. డయేరియాతో చనిపోయిన వారికి ఒక్కొక్కరికి రూ.5 లక్షలు పరిహారం ఇస్తామని ప్రభుత్వం అధికారికంగా ప్రకటించింది. కానీ ఇచ్చింది ఎంతమందికో తెలుసా? కేవలం 6 మందికి మాత్రమే. డయేరియాతో 20 మంది చనిపోతే ఇచ్చింది మాత్రం కేవలం 6 మందికి.  ఎక్కువ మంది చనిపోయారని ఒప్పుకుంటే ప్రభుత్వానికి చెడ్డపేరు వస్తుందని చెప్పి 6 మందికి ఇచ్చి మిగతావాళ్లను గాలికి వదిలేశారు. 

అంతేకాదు ఇదే జీజీహెచ్‌లో 10 రోజుల వయస్సున్న చిన్నారిని ఎలుకలు కొరికి చంపాయి. ఇలాంటివి గతంలో మనం ఎప్పుడన్నా విన్నామా.. బాబుగారు వచ్చాక ఇలాంటివి వినాల్సి వస్తోంది. అంతేనా.. జీజీహెచ్‌లో పాములు కనిపిస్తున్నాయి. పిల్లలు కిడ్నాప్‌ అవుతున్నారు. విద్యుత్‌ పోతే జనరేటర్లు లేక సెల్‌ఫోన్‌ లైటింగ్‌లో ఆపరేషన్లు జరుగుతున్నాయి. ఇంత జరుగుతున్నా బాబులో చలనం లేదు. ఇంతటి దారుణమైన ముఖ్యమంత్రి బహుశా ప్రపంచంలోనే ఎక్కడా ఉండడు. 

గుంటూరుకు కూతవేటు దూరంగా సీఎం క్యాంప్‌ ఆఫీస్‌ ఉన్నా.. నగరానికి మాత్రం నీళ్లు ఇవ్వడం లేదు. ఇచ్చేనీళ్లు కూడా రోజుకు గంటే మాత్రమే ఇస్తున్నారు. శివారు ప్రాంతంలో రెండు రోజులకు ఒకసారి ఇస్తున్నారు. ప్రక్కనే కృష్ణా నది ఉన్నా నీళ్లు దొరకడం లేదు.. ఇంతకంటే దారుణమైన పరిస్థితి ఉంటుందా? ప్రతిదీ కూడా అవినీతిమయమే.. ప్రతిదీ స్కాంలే.. పేదవాడి ఇళ్లను కూడా వదిలిపెట్టడం లేదు. పేదవాడికి ప్లాట్లు అని కట్టిస్తున్నాడు. ఆ పేదవాడికి 300 అడుగుల ప్లాట్‌ రూ.6లకు అమ్ముతాడట. జీ ప్లస్‌ త్రీ గా కట్టించి ఆ ఇళ్లు అడుగుకు రూ.2000లు తీసుకుంటున్నాడు. మామూలుగా అయితే అడుగుకు రూ.1100ల కంటే మించదని బిల్డర్లు అంటున్నారు. రూ.3 లక్షల ఖర్చు అయ్యే ప్లాటును రూ.6 లక్షలకు అమ్ముతున్నాడు. రూ.3 లక్షలు ప్రభుత్వం ఇస్తుందట.. మరో రూ.3 లక్షలు అప్పుగా ఇస్తారట. రూ.3000లు చొప్పున  20 ఏళ్ల పాటు కట్టాలట. ఇదీ చంద్రబాబు పాలనలో స్కాంలు. ఇదే బాబు పాలనలో మనం  ఏం చూస్తున్నామంటే  మోసం చేయడం చూశాం. అబద్ధాలు ఆడడం చూశాం. విచ్చలవిడిగా అవినీతి జరగడం చూశాం. మట్టి నుంచి ఇసుక దాక అవినీతే. పక్కనే ఇదే జిల్లాలోనే విచ్చలవిడిగా శ్యాండ్‌ మాఫియా జరుగుతోంది. దేన్నీ వదిలిపెట్టకుండా స్కాంలు చేస్తున్నారు. ఆఖరికి గుడి భూములను కూడా వదిలిపెట్టడంలే. జన్మభూమి కమిటీలు వేసేపరిస్థితి.. బియ్యం కావాలన్నా లంచం.. చివరికి ఏం కావాలన్నా లంచం.

ఇదే గుంటూరు నుంచి 10 కిలోమీటర్ల దూరం.. పేరేచెర్లలో ఒక సంఘటన జరిగింది. అది చూశాక బాధనిపించింది. ఆర్టీసీ బస్సు ఆటోను ఢీకొట్టింది. ఈ ఘటనలో నలుగురు చిన్నపిల్లలు చనిపోగా మరో ముగ్గురు తీవ్రంగా గాయపడ్డారు. ఆ బాధలను చూస్తున్నప్పు నాకు ఒక కథ గుర్తుకు వచ్చింది.
 
అనగనగా పేరేచర్లలో ఒక చిన్న దొంగ ఉండేవాడట.. చిన్న చిన్న బద్ధాలు.. మోసాలు దొంగతనాలు చేసేవాడట. ఒకానొక రోజు ఆ దొంగకు పాపం పండింది. అతను చనిపోయాడు. యమధర్మరాజు ఆ దొంగ దగ్గరికి వచ్చి అతన్ని తీసుకుని పోయేటప్పడు ఆ దొంగ స్వామీ నేను ఏ తప్పు చేశాను? నన్ను ఎందుకు తీసుకుపోతున్నావు? అని అడిగాడట. అదేంటి నువ్వు మోసాలు..దొంగతనాలు చేశావు కదా అని అన్నాడట ఆ యమధర్మరాజు. ఆ దొంగ అన్నాడట. మీ దగ్గర ఆధారాలు ఏమైనా ఉన్నాయా స్వామీ అని అన్నాడట. యమధర్మ రాజు అన్నాడట ఇదిగో ఇటు చూడు నువ్వు ఒక ఇంట్లోకి వెళ్లి రూ.50వేలు దొంగతనం చేస్తుండగా సీసీ కెమెరాల్లో రికార్డు అయింది అని అన్నాడట. దీంతో దొంగ సరే స్వామీ మీరు ఇది చూడలేదా( ఓటుకు నోటు కేసుకు సంబంధించిన ఫోటో) అన్నాడట.  యమధర్మరాజు అడిగాట... ఏమిటిది అని. ఆ దొంగ అన్నాడట  స్వామీ మా ముఖ్యమంత్రి విచ్చలవిడిగా అవినీతి చేశాడు..చేసిన ఆ సొమ్ముతో ఏం చేయాలో తెలియక ఎమ్మెల్యేలను కొనుగోలు చేసేందుకు కోట్లకు కోట్లు కుమ్మరించాడు స్వామి.. ఆడియో టేపులతో వీడియో టేపులతో అడ్డంగా దొరికిపోయాడు స్వామీ.. అయినా కూడా ఆయనకు ఏ శిక్ష లేకుండా దర్జాగా తిరుగుతున్నాడు స్వామీ ఆయనది తప్పు కానప్పుడు నాది తప్పు ఎలా అవుతుంది స్వామీ అన్నాడట. యమధర్మరాజు వెంట నోట మాట రాలేదు. అది సరే నువ్వు మోసాలు కూడా చేశావు కదా అన్నాడట. మరి దొంగ అన్నాడట..నేను ఏం మోసం చేశాను స్వామీ అని అన్నాడట. మీ పక్కింటి వాళ్ల దగ్గర రూ.10వేలు ఇస్తామని చెప్పి తీసుకుని కనిపించకుండా పోయావు కదా అలా చేయడం తప్పు కదా అన్నాడట యమధర్మరాజు. అయితే దొంగ అన్నాడట మరి అయితే స్వామీ ఇది చూడండి (టీడీపీ మేనిఫెస్టో) దొంగ చూపించాడట. దీనిని ఏమంటారని యమధర్మరాజు అడగ్గా స్వామీ దీనిని తెలుగుదేశం పార్టీ మేనిఫెస్టో అంటారు స్వామీ.. మా ముఖ్యమంత్రి చంద్రబాబు నాయుడు స్వామీ ఈ మేనిఫెస్టో రిలీజ్‌ చేస్తూ పవిత్ర గ్రంథమని చెప్పి ప్రమాణం చేసి తర్వాత రైతులు, డ్వాక్రా రుణాలన్నీ మాఫీ చేస్తానని చెప్పాడు స్వామీ దమ్మిడి కూడా చేయకుండా అందరినీ మోసం చేశాడు సామీ అని దొంగ అన్నాడట. చంద్రబాబు మేనిఫెస్టోలో రైతులందరికీ గిట్టుబాటు ధరలు, రూ.5వేలు కోట్ల ధరల స్థిరీకరణ నిధి ఏర్పాటు చేస్తామన్నారు స్వామీ, ఇంటికొక ఉద్యోగం అన్నాడు స్వామీ ప్రతి ఇంటికీ కరపత్రం పంచాడు స్వామీ చంద్రబాబు స్వయంగా సంతకం పెట్టారని ఇచ్చాడు స్వామీ, ఇప్పటి వరకు ఏమీ ఇవ్వలేదు  అని యమధర్మరాజుకు ఆ దొంగ చెప్పాడట. చెప్పాడట. ప్రతి కులం, వర్గం అందరినీ మోసం చేయడంతో పాటు ప్రత్యేక హోదా విషయంలో కూడా మోసం చేస్తూ..................నే ఉన్నాడు స్వామీ అని దొంగ యమధర్మరాజుకు చెప్పాడట. అంతెందుకులేస్వామీ ఇక్కడే పేరేచర్లలో జరిగిన ఘటన చూడండి  స్వామీ మా ఊరిలో డిసెంబర్‌లో ఆటో యాక్సిడెంట్‌ అయింది. ఈ యాక్సిడెంట్‌లో డ్రైవర్‌తో సహా నలుగురు పిల్లలు చనిపోయారు.. 3 తీవ్రంగా గాయపడ్డారు స్వామీ.. టీడీపీ నాయకులు వచ్చారు స్వామీ అందరూ వచ్చి చనిపోయిన ప్రతి పిల్లాడికి ప్రతి కుటుంబానికి రూ.5 లక్షలు ఇస్తామని చెప్పారు స్వామీ ఆ తర్వాత గాయపడిని పిల్లలకు రూ.2లక్షలు ఇస్తామని చెప్పారు స్వామీ... ఉచితంగా వైద్యం చేయిస్తామన్నారు స్వామీ .. ఆర్టీసీ బస్సు కాబట్టి ఆటోడ్రైవర్‌ భార్యకు ఉద్యోగం ఇప్పిస్తామని చెప్పారు స్వామీ హామీ ఇచ్చిన మరుసటి రోజునుంచి ఆ మంత్రులు కనిపించలేదు.. టీడీపీ నాయకులు కనిపించలేదు స్వామీ అని దొంగ యమధర్మరాజుతో అన్నాడట. ఆ మాట అంటూ స్వామీ నేను మోసం చేసింది కేవలం రూ.10వేలు మాత్రమే స్వామీ.. దీనికే నన్ను నరకానికి తీసుకుపోతే  5 కోట్ల మంది ప్రజలను మోసం చేసిన బాబుకు ఏ శిక్ష వేయాలని స్వామీ అని ఆ దొంగ యమధర్మరాజుతో అన్నాడట. దొంగ మాటలకు యమధర్మరాజు భయపడ్డాడట. ముఖ్యమంత్రే పెద్ద దొంగ అయితే అయితే  చిల్లర దొంగది తప్పేముందిలే అని ఆ యమధర్మరాజు మాయమయ్యాడట. ఇలా ఉంది బాబు పాలన. 

యాక్సిడెంట్‌లో చనిపోయిన ఆటో డ్రైవర్‌ భార్య త్రివేణి మాట్లాడుతూ నా భర్త ఆటో ప్రమాదంలో చనిపోయాడు.. ఎమ్మార్వో గారు మంత్రులు ఇంటికి వచ్చి ప్రభుత్వం నుంచి డబ్బులు ఇప్పిస్తామన్నారు. నన్నపనేని రాజకుమారి వచ్చి ధర్నా చేసినా సీఎం నుంచి డబ్బులు ఇప్పిస్తామని చెప్పారు. నేను 7 నెలల గర్భవతిని, 12 నెలల పాప ఉంది. నా భర్త సాయంతో నేను ఇన్ని రోజులు బతికాను.  అప్పుడు నాకు ఉద్యోగం ఇప్పిస్తామని, చెప్పిన ప్రభుత్వం ఇప్పటి వరకు ఇవ్వలేదు.  అనంతరం జగన్‌ మరో మహిళను చూపిస్తూ ఇదే ఘటనలో  ఈ తల్లిపిల్లలకు కాలు ఇరిగింది. ఆటో డ్రైవర్‌ భార్యకు రూ.5 లక్షలు, ఉద్యోగం ఇస్తామన్నారు. రెండూ ఎగరకొట్టారు. గాయపడ్డ పిల్లలకు ఆస్పత్రి ఖర్చులుకూడా ప్రభుత్వం పెట్టుకోలేదు. ఆస్పత్రి ఖర్చులు కూడా ఇవ్వలేదు. అనంతరం కాలు ఇరిగిన పిల్లల తల్లి పద్మావతి మాట్లాడుతూ ఒక అమ్మాయి ఒక కాలు ఇరిగిపోయింది. ఇంకొక అమ్మాయి రెండు కాళ్లు ఇరిగిపోయాయి. ఉచితంగా వైద్యం చేయిస్తామన్నారు. రెండు రోజులు చేయించారు. తర్వాత పట్టించుకోలేదు అన్నారు పద్మావతి. అనంతరం వైయస్‌ జగన్‌  మాట్లాడుతూ...కనీసం ఇప్పటికైనా చంద్రబాబుకు బుద్ధిజ్ఞానం ఉంటే వీళ్లకు న్యాయం చేయాలి. ఒకవేల ముందుకు రాకపోతే ఈ అక్క చెల్లెమ్మలకు నేను హామీ ఇస్తున్నా. ఇలాంటి అన్యాయమైన పాలన ఎక్కువ కాలం బతకదు. త్వరగా ఈ ప్రభుత్వం బంగాళాకాతంలో కలుస్తుంది. ఈ కుటుంబాలకు ఒక అన్నలాగా అండగా ఉంటానని హామీ ఇస్తున్నా.  రాష్ట్రంలో జరుగుతున్న ఈ పాలన ఇంత దారుణంగా ఉంది. 
మోసం అన్నది ఈ రోజు క్లైమాక్స్‌కు చేరింది. చంద్రబాబు ఢిల్లీపోవడం విమానం ఎక్కి. నిజంగా ప్రత్యేక హోదాకు వెళ్తున్నట్లు విమానం ఎక్కినట్లు పెద్ద బిల్డప్‌ ఇచ్చారు. అయ్యా చంద్రబాబుగారు ప్రత్యేక హోదా సాధించాలన్న కోరిక నీలో ఉందా అనిఅడుగుతున్నా. మీ తరుపున అడుగుతున్న కేంద్ర ప్రభుత్వంపై వైయస్‌ఆర్‌ కాంగ్రెస్‌ పార్టీ అవిశ్వాస తీర్మానం పెట్టి ఉండకుండా ఉంటే ఈ పెద్దమనిషి పెట్టి ఉండేవాడా అని అడుగుతున్నా.. ఇదే పెద్ద మనిషి మార్చి 15న గురువారం రోజు అసెంబ్లీలో ఈయన అన్న మాటలు ఏమిటి.. సంఖ్యా బలం ఉంటే అవిశ్వాస తీర్మానానికి మద్దతు ఇస్తామన్నారు. మార్చి 16న యూటర్న్‌ తీసుకున్నారు. ఆ పార్టీకి వైయస్‌ఆర్‌ కాంగ్రెస్‌పార్టీ అవిశ్వాస తీర్మానం పెట్టడం.. వాళ్లందరినీ ఒప్పించి మద్దతు ఇస్తున్నారని మీడియాలో వచ్చిన తర్వాత బాబు యూటర్న్‌ తీసుకుని తాను ముందుకు వచ్చి అవిశ్వాసం పెట్టారు కాబట్టి అన్ని పార్టీలు మద్దతు ఇస్తున్నాయని అంటున్నారు. ఇంత సిగ్గుమాలిన రాజకీయాలా అని అడుగుతున్నా. ఈయన గారి చిత్తశుద్ధి ఎలా ఉందంటే.. వైయస్‌ఆర్‌ కాంగ్రెస్‌పార్టీ ఎంపీలందరూ రాజీనామా చేస్తారని, మీరూ రాజీనామా చేయించండి అని పిలుపునిస్తే  మొత్తం 25 మంది ఎంపీలు రాజీనామా చేయిస్తే ఈ పెద్ద మనిషి రాజీనామాలు చేయడట. మా ఎంపీలు రాజీనామా చేసిన తర్వాత ఏపీ భవన్‌కు పోతారు. నిరాహార దీక్షకు కూర్చుంటారని చెప్పాను. అదే బాటలో టీడీపీ ఎంపీలు కూడా రాజీనామా చేస్తే  25 మంది రాజీనామా చేసిన తర్వాత దేశం మొత్తం దాని గురించి చర్చిస్తుంది.. ప్రత్యేక హోదా ఇవ్వకుండా ఉండలేని పరిస్థితి వస్తుందని అడిగితే ఆమరణ దీక్ష గురించి ఊసే ఎత్తరు. ఈ మనిషి తన ఎంపీలతో రాజీనామా చేయించటర. ఆమరణ నిరాహార దీక్షలు చేయించరట. ఈ పెద్దమనిషి తనకు సంబంధించిన ఎంపీతో రాజీనామాలు ఎందుకు  చేయించరో తెలుసా? తన అవినీతిపై కేంద్ర ప్రభుత్వం ఎంక్వైరీ చేయిస్తే తన తరఫున ఎంపీలు పోరాటం చేయాలట. అందుకే ఇప్పుడు  ఢిల్లీ పోయారు. కేంద్ర ప్రభుత్వం ఈయన చేసిన అవినీతిపై విచారణ చేపడితే ఈయన తరపున కొన్ని పార్టీలు మాట్లాడాలి అని ఒప్పించుకునేందుకు ఢిల్లీ వెళ్లారు. ఇలాంటి వ్యక్తి ఆంధ్రప్రదేశ్‌ను పాలించేందుకు అర్హుడేనా అని అడుగుతున్నా. 

ఇలాంటి అన్యాయాలు చేసే వ్యక్తిని పొరపాటున ఎవరైనా క్షమిస్తే రేపొద్దున ఏం చేస్తాడో తెలుసా? ప్రతి ఇంటికీ కేజీ బంగారం ఇస్తానంటాడు. అలా నమ్మరని, కేజీ బంగారానికి బోనస్‌గా బెంజి కారు ఇస్తానంటాడు. అయినా నమ్మరని తెలుసు ప్రతి ఇంటికీ ఒక మనిషి పంపించి ఓటుకు రూ.3వేలు ఇస్తానంటారు.. అలా అంటే మాత్రం ఓటుకు రూ.5వేలు గుంజండి. ఓటుమాత్రం మీ మనసాక్షిని అడిగి వేయండి. 

ప్రతి పేదవారి ముఖాల్లో చిరునవ్వులు చూసేందుకు నవరత్నాలు పథకాలు ప్రకటించాం. నాన్నగారు ఎప్పుడూ చెబుతుండేవారు పేదరికం పోవాలంటే ఆ కుటుంబం నుంచి కనీసం ఒక్కరైతే పెద్ద పెద్ద చదువులు చదవాలని, అప్పుడే పేద రికం దూరం అవుతుందని. నాన్నగారు ఒక అడుగు ముందు వేశారు. జగన్‌ నాన్నగారి కొడుకుగా రెండడుగులు ముందు వేస్తానని చెబుతున్నా. మీ పిల్లలు ఏం చదువుతారో చదివించండి. ఎంత పెద్ద చదువులైనా చదివించండి ఎన్ని లక్షలు ఖర్చు అయినా భరిస్తాం..ఉచితంగా చదివిస్తాం. అందుకు నేను హామీ ఇస్తున్నా. అంతేకాదు వారికి లాడ్జింగ్‌ అండ్‌బోర్డింగ్‌ ఖర్చుల కింద ఏటా రూ.20వేలు కూడా ఇస్తా. చిన్న పిల్లలను తల్లిదండ్రులు బడికి పంపించండి. ఆ తల్లులకు ఏటా రూ.15వేలు ఇస్తా. పిల్లలు బాగా చదివితేనే మన తలరాతలు మారుతాయి. మీ బిడ్డను ఆశీర్వదించండి అని కోరుతున్నా..తోడుగా నిలవమని ప్రాధేయపడుతున్నా. మీ చెరగని ఆప్యాతలకు, మీ ప్రేమానురాగాలకు కృతజ్ఞతలు చెబుతున్నా. 
చిట్టి నగర్‌లో బహిరంగ సభ ప్రారంభం

Printed on 23-07-2018 03:09:07 AM

చిట్టి నగర్‌లో బహిరంగ సభ ప్రారంభం
చిట్టి నగర్‌లో బహిరంగ సభ ప్రారంభం
విజయవాడ: విజయవాడ నగరంలోని చిట్టి నగర్‌లో ప్రజా సంకల్ప యాత్రలో ఏర్పాటు చేసిన బహిరంగ సభ ప్రారంభమైంది. అశేష జనం హాజరు కావడంతో చిట్టి నగర్‌ కిక్కిరిపోయింది.
దమ్ముంటే ఫిరాయింపు ఎమ్మెల్యేలతో రాజీనామా చేయించు

Printed on 23-07-2018 03:09:07 AM

దమ్ముంటే ఫిరాయింపు ఎమ్మెల్యేలతో రాజీనామా చేయించు
 విజయవాడ: చంద్రబాబుకు దమ్ము, «ధైర్యం ఉంటే మా పార్టీ నుంచి నీ పార్టీలో చేరుకున్న వెదవలతో రాజీనామా చేయించు..ఎవరి సత్తా ఏంటో తేల్చుకుందామని జోగి రమేష్‌ సవాల్‌ విసిరారు. ఫ్యాన్‌ గుర్తుతో గెలిచిన వ్యక్తులు ఇప్పుడు మా జెండాలను తొలగిస్తున్నారని మండిపడ్డారు. ఏపీలో ఎప్పుడు ఎన్నికలు జరిగినా 175 స్థానాల్లో వైయస్‌ఆర్‌సీపీ జెండాలు ఎగురుతాయని చెప్పారు.
టీడీపీ ప్రభుత్వం అన్నింటిలో విఫలం

Printed on 23-07-2018 03:09:07 AM

టీడీపీ ప్రభుత్వం అన్నింటిలో విఫలం
పశ్చిమ గోదావరి: ప్రజా సంకల్ప యాత్రలో భాగంగా శనివారం నిడదవోలు పట్టణంలో ఏర్పాటు చేసిన బహిరంగ సభలో ఆయన మాట్లాడారు. ఈ రోజులు ప్రజలు మార్పు కోరుకుంటున్నారన్నారు. గతంలో ఎన్నో హామీలు ఇచ్చిన చంద్రబాబు ఏ ఒక్కటి నెరవేర్చలేదన్నారు. పోలవరం కడతామన్నారు..ఇంతవరకు ఎలాంటి పురోగతి లేదన్నారు. డ్వాక్రా మహిళలకు రుణమాఫీ, రైతు రుణమాఫీ అని మోసం చేశారన్నారు. కాపు కార్పొరేషన్‌ ద్వారా లోన్లు ఇస్తామన్నారు..ఎంతమందికి ఇచ్చారని ఆయన ప్రశ్నించారు. టీడీపీ ప్రభుత్వం అన్నింటిలో విఫలమైందని ఆయన మండిపడ్డారు. దోచుకోవడంలోనే టీడీపీ నేతలు పాస్‌ అయ్యారని విమర్శించారు. ఇసుక, మట్టి, రాజధాని పేరు మీద దోచుకుంటున్నారని ఫైర్‌ అయ్యారు. ప్రభుత్వాన్ని మార్చాల్సిన సమయం ఆసన్నమైందని, జగనన్నను ముఖ్యమంత్రిని చేసుకోవాలన్నారు. తాడేపల్లి రైల్వే బ్రిడ్జి పూర్తి చేస్తామని మాట తప్పారన్నారు. ఆటోనగర్‌ ఏర్పాటుకు కృషి చేస్తామని, మార్కెట్‌యార్డు ఏర్పాటు చేస్తామన్నారు. గోదావరి నుంచి మంచినీళ్లు తెప్పించుకుందామన్నారు. ఈ ప్రాంతానికి ఇండస్ట్రీస్‌ కావాలన్నారు.  నవరత్నాల ద్వారా ప్రతి కుటుంబానికి మేలు జరుగుతుందని చెప్పారు.